കണ്ണൂർ ആകാശവാണിയിൽ ശ്രദ്ധേയമായ സ്വയം പ്രതിരോധ ചർച്ച : കാസർകോട് സ്വദേശി ജയകുമാർ പങ്കെടുത്തു​

സ്ത്രീകളുടെയും കുട്ടികളുടെയും പൊതുജനങ്ങളുടെയും സുരക്ഷയും ആത്മവിശ്വാസവും ലക്ഷ്യമിട്ട് കണ്ണൂർ ആകാശവാണിയിലൂടെ സംപ്രേക്ഷണം ചെയ്ത 'സ്വയം പ്രതിരോധം' (Self Defence) എന്ന വിഷയത്തിലുള്ള ലൈവ് ചർച്ചയും ഫോൺ ഇൻ പരിപാടിയും ശ്രദ്ധേയമായി.

​ആധുനിക സമൂഹത്തിൽ സ്വയം പ്രതിരോധത്തിന്റെ പ്രാധാന്യത്തെക്കുറിച്ചും, അത്യാഹിത ഘട്ടങ്ങളിൽ എങ്ങനെ കരുതലോടെ ഇടപെടാമെന്നും വിശദമാക്കിയ പരിപാടിയിൽ വിഷയം അവതരിപ്പിച്ചുകൊണ്ട് കാസർകോട് കർഡുക്ക സ്വദേശിയായ ജയകുമാർ സജീവ പങ്കാളിത്തം വഹിച്ചു. ആഗസ്റ്റ് 17-ന് ഉച്ചയ്ക്ക് 2.30 മുതൽ 3.30 വരെ ലൈവായി പ്രക്ഷേപണം ചെയ്ത ഈ പരിപാടിയിൽ റേഡിയോ ശ്രോതാക്കളുടെ വിവിധ സംശയങ്ങൾക്ക് അദ്ദേഹം തത്സമയം മറുപടിയും നൽകി.

​ആകാശവാണി നിലയം വഴി പ്രക്ഷേപണം ചെയ്ത ഈ പരിപാടിക്ക് പൊതുജനങ്ങളിൽ നിന്നും മികച്ച പ്രതികരണമാണ് ലഭിച്ചത്. സമൂഹത്തിൽ സ്വയം പ്രതിരോധത്തെക്കുറിച്ചുള്ള അവബോധം വളർത്തുന്നതിനും പ്രായോഗിക പരിശീലനങ്ങളുടെ ആവശ്യകത ജനങ്ങളിലേക്കെത്തിക്കുന്നതിനും ഈ ആകാശവാണി പരിപാടി ഏറെ സഹായകരമായി.