പത്തനംതിട്ട സ്വദേശിയായ ഹെൽത്ത് ഇൻസ്പെക്ടറെ കാസറഗോഡ് മഞ്ചേശ്വരത്ത് കുളിമുറിയിൽ മരിച്ച നിലയിൽ കണ്ടെത്തി.

പത്തനംതിട്ട സ്വദേശിയായ ഹെൽത്ത് ഇൻസ്പെക്ടറെ കാസറഗോഡ് മഞ്ചേശ്വരത്ത് കുളിമുറിയിൽ മരിച്ച നിലയിൽ കണ്ടെത്തി.

മഞ്ചേശ്വരം ബ്ലോക്ക് പഞ്ചായത്ത് ഫാമിലി ഹെൽത്ത് സെന്ററിലെ ഹെൽത്ത് ഇൻസ്പെക്ടർ മനോജ് (45) ആണ് മരിച്ചത്. മഞ്ചേശ്വരം എസ്എടി സ്കൂളിന് സമീപത്തെ ക്വാർട്ടഴ്സിലെ കുളിമുറിയിലാണ് വൈകിട്ട് മൃതദേഹം കണ്ടത്. ഇദ്ദേഹം ഇവിടെ ഒറ്റയ്ക്കാണ് താമസം. മൃതദേഹത്തിന് 2 ദിവസത്തെ പഴക്കമുണ്ട്. ദുർഗന്ധം പരന്നതോടെ പരിസരവാസികൾ മഞ്ചേശ്വരം പോലീസിനെ വിവരമറിയിക്കുകയായിരുന്നു. പോലീസ് നടപടികൾ പൂർത്തിയാക്കി മൃതദേഹം കാസറഗോഡ് ജനറൽ ആശുപത്രിയിലേക്ക് മാറ്റി. 2 മാസം മുമ്പാണ് ഇദ്ദേഹം ഫാമിലി ഹെൽത്ത് സെന്ററിലേക്ക് സ്ഥലം മാറിയെത്തിയത്.