ദേശീയപാത വികസനത്തിന്റെ ഭാഗമായി നീലേശ്വരം കാര്യങ്കോട്ട് നിർമിച്ച പുതിയ പാലം ഗതാഗതത്തിന് തുറന്നു.

ദേശീയപാത വികസനത്തിന്റെ ഭാഗമായി നീലേശ്വരം കാര്യങ്കോട്ട് നിർമിച്ച പുതിയ പാലം ഗതാഗതത്തിന് തുറന്നു. ഇന്ന് രാവിലെയാണ് ഗതാഗതത്തിനായി തുറന്നുകൊടുത്തത്.

302 മീറ്റർ നീളവും 16 മീറ്റർ വീതിയുമുള്ളതാണ് പാലം. പഴയ പാലത്തെക്കാൾ 90 മീറ്റർ നീളം കൂടുതൽ ഉണ്ട് പുതിയ പാലത്തിന്. 3 വരി പാതയാണ് പാലത്തിൽ ഉണ്ടാവുക. 38 മീറ്റർ നീളമുള്ള ഏഴും 36 മീറ്റർ നീളമുള്ള ഒരു സ്പാനും ഉള്ള പാലത്തിന് 9 തൂണുകൾ ഉണ്ട്. പാലം തുറക്കുന്നതോടെ ഗതാഗതം പൂർണമായും പുതിയ പാലത്തിലൂടെയാക്കും. ഒരാഴ്ചയ്ക്കകം പഴയ പാലം പൊളിച്ചു നീക്കി രണ്ടാമത്തെ പാലത്തിന്റെ പണിയും തുടങ്ങും.