മടിക്കൈ നൂഞ്ഞിയിലെ ദ്വിദന്ത ഗണപതിയാര്‍ ക്ഷേത്രത്തില്‍ അപൂര്‍വമായ സൂര്യ ഗണപതി ഹോമം നടന്നു

രണ്ട് കൊമ്പുള്ള ഗണപതി പ്രതിഷ്ഠയുള്ള മടിക്കൈ നൂഞ്ഞിയില്‍ ശ്രീ ദ്വിദന്ത ഗണപതിയാര്‍ ക്ഷേത്രത്തില്‍ അപൂര്‍വമായ സൂര്യ ഗണപതി ഹോമം നടത്തി. സൂര്യകാലടി ഭട്ടതിരിയുടെ മുഖ്യ കാര്‍മികത്വത്തില്‍ നാടിന്റെയും കുടുംബങ്ങളുടെയും ഐശ്വര്യത്തിനാണ് ഹോമം നടത്തിയത്. നൂറുകണക്കിനാളുകള്‍ ഹോമത്തില്‍ പങ്കെടുത്തു. നാളെ രാവിലെ 9 മണിക്ക് ക്ഷേത്രത്തില്‍ ദൃഢകലശം, 11.30 ന് ക്ഷേത്രം തന്ത്രി അരവത്ത് പത്മനാഭന്‍ തന്ത്രിയുടെ കാര്‍മികത്വത്തില്‍ ശ്രീഭൂതലി ഉത്സവം, വൈകുന്നേരം 4 മണിക്ക് തായമ്പക, 7 മണിക്ക് അലങ്കാരപൂജ എന്നിവയുണ്ടാകും. ഉച്ചയ്ക്ക് 12 മണിക്ക് അന്നദാനം. ഇന്നലെ ക്ഷേത്രത്തില്‍ ആചാര്യ വരവേല്‍പും ദൃഢകലശ പൂജയും ഉണ്ടായി.