അത്തിക്കോത്തെ ലീലയ്ക്ക് സ്നേഹത്തണലൊരുക്കാൻ രാജപുരം കോളേജ് എൻഎസ്എസ് യൂണിറ്റ്

നിർധന കുടുംബത്തിനൊരു സ്നേഹവീടെന്ന സ്വപ്നം യാഥാർഥ്യമാക്കാനൊരുങ്ങി എൻഎസ്എസ് പ്രവർത്തകർ.

രാജപുരം സെന്റ് പയസ് ടെൻത് കോളേജിലെ എൻഎസ്എസ് യൂണിറ്റുകളുടെ നേതൃത്വത്തിൽ ഏച്ചിക്കാനം അത്തി ക്കോത്തെ ലീലയ്ക്കാണ് സ്‌നേഹവീട് നിർമിച്ചു നൽകുന്നത്. വീടിന്റെ പ്രധാന വാർപ്പ് കഴിഞ്ഞു . കോളേജ് മാനേജ്മെന്റ്, ജീവനക്കാർ, വിദ്യാർത്ഥികൾ, അത്തിക്കോത്ത് നിവാസികൾ എന്നിവരുടെ സഹകരണത്തോടെയാണ് വീട് നിർമ്മിക്കുന്നത് . എൻഎസ്എസ് പ്രോഗ്രാം ഓഫീസർമാരായ ഇ. പാർവതി, അജോ ജോസ് , എൻഎസ്എസ് വളന്റിയർ സെക്രട്ടറിമാർ കോളേജിലെ പൂർവ അധ്യാപകനായിരുന്ന ഡോ. ആർ.കെ.സതീഷ് കുമാർ, മുൻ എൻ എസ് എസ് വളന്റിയർ വിഷ്ണു വത്സൻ , പ്രദേശത്തെ സന്നദ്ധ പ്രവർത്തനായ അജയകുമാർ നെല്ലിക്കാട്ട് എന്നിവരാണ് നിർമ്മാണത്തിന് മേൽനോട്ടം വഹിക്കുന്നത് . കണ്ണൂർ യൂണിവേഴ്സിറ്റി ഡിഎസ്എസിന്റെ പൂർണ പിന്തുണയും ഇവർക്കുണ്ട്.